46
فاضل شرطة واحــــــــــدة و يبقى الموبايــــــــل فصـــــــل
فيها إيه ما يفصـل يعنـــــــى و هو إيـــــــــه اللى حصــــــل
لا حد بيكلمنـــــــــى ولا حــــــــــــد بيســــــــأل عليــــــــــــا
لكن لو فيها مصلحة يقولوا وسع يا عم الباشا أيمن وصل
يا غلبي
45 أسهل طريقة في الكتابة هي الطريــــقة ديا
من غير ما تذاكرها تابع حســــــك شويــــة
فكرة و كلمتين اتحطوا في أربــــــع سطـور
و حط عليهم و عجبي و تبقى دى الرباعية
يا غلبي
44 عاهات و بين قوسيـــــن ( انثى استثنائيـة )
ملاك و تواضــع منـــه تدنـــــى للبشــــريـــة
أنا مش تفاحة نيوتن أنا بنت جامـــــــدة جدا
كلام و لو الكلام بفلوس كنتوا هبطتوا شوية
يا غلبي
43
حلمـــــــت مـــرة بإسمى على يافطــــة في الشـــــارع
اليافطة مكتوب عليها الأستاذ الدكتور الشاعر البارع
ركزت في اليـــــافطة ورحـــت شايــــــل اســــــــمي
لقيتها مش يافطة عيادتـــــــي دى يافطة الشــــارع!
يا غلبي
42 أنا دمـــــى حامى و بتنــــرفـــز بســـرعـــة
لا ينفع معايا مهدئ ولا خمسين ألف جرعة
حاسب على نفســـــك في كلامــــك معــايــا
أحسن أعصــــابي تفلـت و تقلب مصارعة
يا غلبي
41 آه يا عالم تعبانه يا ناس يا عامــــة شعب
تعملولى تمثال لو جبت جـــــــــون بالكعب
أشاور بايدى و الدنيا تمطَّـــــــر فلــــوس
لكن لو كنت عالم دا المستحيل و الصعب
يا غلبي
40 مش عــــــــارف ليه يا ( .... ) بحبك و لســــــبب مش لاقى
بحبك و انتى حبانى و بحبك و انتى كرهاني و حبك بقى دائي
حبعتلـــــــــــــــــــك قلبي و عقلي .. حبعتلك روحي و عمري
بس انتـــــــــــــــى قولي موافقة .. و أبعتـــــــــــــلك الباقي
يا غلبي
ازاى امتياز في تالتة و أنــــــا ما عملتـــــــهاش في تــــــــــانية
دول قالوا تانية سهلة و الحاجة أبقى مذاكرها و ألاقيها تطير في ثانية
طب آخــــــــــــــد كــــــــورس يعنـــــى ولا في اللجنــــــــة أغش
ولا آخــــــــــد امتحــــــــان ديلفــــرى ولا أعمــل ايـــــه يا دنيا !
يا غلبي
38
عايز تكتب حاجة ما نتاش حاسسها يبقى أنت بتهزر
أو عايـــــــــز توقَّـــع بنت وقدامـــــها تتمنــــــــظر
الكتـــــــابة غذاء الــــــــــروح بتنقى روحــك بيها
مش عشان شهرة و فــلوس و تكون عامــــل منظر
يا غلبي
37 يا ليــــل يا ملــــــــقى الجــــراح
يا مرجَّـــــــــع ذكــــرى اللى راح
حتسهـــــر عينينا معــــــاك لامتى
دا مسيره ييجى من بعديك صباح
يا غلبي
36استنيت كتير تجيلي فرصة و الفرصة ما تجيشي
يقولوا ادفـــع و خـــد فرصــــة أقـــول معاييشى
يا دماغي فكك منهم ما يــــاما قبلـــــينا دفعــــوا
دا عمر الفرصــــة ما تجيـــلك لو ما تستحقيشى
يا غلبي
35
ياعم روح اســـــأل حــــد أو بص فــي مرايـا
أنا مش بحب أعايـــب أصلى مش طبع جوايا
بس ما تنرفزش أهلي و تقول أحسن و أحسن
حسكـــت تواضع مـنــى دا سكــــــوتى بهوايا
يا غلبي
34 الأرض دي سجــــادة أو حتــى مشــايـــة
شوية خيط و شبكـــوا و اتلفوا في ملاية
و الناس دي طاجن تُرلى وقع من الطباخ
طب عمـــرك شفت جـزرة كرهت بسلاية !
يا غلبي
33
ياريــــــــت الدنيـــــــا هارد أو اسطوانـــــــة دي فـي دي
أو أي قــــــرص صلــــب أقــــــــدر أحمِّــــــل عليـــــــــه
و أشيــــــل و أحط اللى عايــــزه و أعمل اللى نفسي فيه
بس الحياة مفاجأة و لو الحياة محفوظة يبقى لزمتها ايه
يا غلبي
32 أصحاب ع النت يامـــــا بينفـعوا في ضيقة
و غيـــــرهم ياخدوا سرك و يولـعوا حريقة
و الناس ع النت حتى برضة مش زى بعض
و لكل نبي ديـــــــن و لكل شيــــــــخ طريقة
يا غلبي
31 بلدنا ضاحكيـــــــن عليها كتيـــــر و كرامتــــــها متــــــاخده
أقول ما تصون كرامة بلدك يقــــول هات حتـــة من الفخده
قاعدين تنــــــهشوا فى لحمها و فاكـــــــرينه لحـــم رخيص
بكره تختار ولادها وتشاور ع الرخيص و تقوله مش واخده
يا غلبي
30أطلــــع أول مســابقــة وفـــى الآخر أبقى مين
أنافس أقل منى و أقـــــــول أوعـــــــى المتين
مسيرى أعلى و أعلى وأنــافس أعلــــى منــى
ولا عمري أقبل ولا أرضى أكون أول مكسحين
يا غلبي
29
بجد كرهت النفــــــــاق ولا أنا فاهــــــــم النفـــاق غلط
النفاق انى أخفى حاجة و أظهر غيرها ولا الأمر اختلط
ذنـــــوب و بتاخـــــدها و تتــــــكوم تكـــــوِّن جبــــــــال
عشـــان فلــــوس ودنيا خليهم ينفعوك لما تعض الزلط
يا غلبي
28
عاهــــات و غصب عنى اتحطيت فوسطيهم
كبر وغرور يملانـــــي أول ما بلاقيــــــــــهم
بس والله غصب عنى مش لاقى شعور بديل
يارب يا تريحني منهم يا إما تهديــــــــــــهم
يا غلبي
27 معقديـــــــن يــــاما فــي حيــــاتي دايــــما بلاقيهم
الحفظ لحس دماغـــــــهم و كـــــرهوا نفسيــــــهم
يبيع أي حاجـــــــة عشــــــان يجيـــــب تقديـــــــر
ملعون أبو التقدير اللى يخسرهم دينهم و أهاليهم
يا غلبي
26أمثـــال كتيــرة يامـــــا قالــها جــدود أبــونا
من أول اقلــــب القــدرة للغـُــــرب يطـردونا
أفضل ألـِّف في دماغــي و برضة تطلع صح
الناس دي يا عايشيـن معانا .. يا إما يعرفونا
يا غلبي
25 عطشان و نفسي أشرب و حاسس عندي جفاف و ميتى معايـا
بشرب لقيت واحدة قالتلى يايّ دا مش ايتيكيت و لقتها حرباية
قلتـــلها اتيكيــــت مين يا طنط .. أنا أفهم في الذوق كويـــس
تفرق معاكى ايـــــــه قربعت أنا ازازة أو صبيــت في كوباية !
يا غلبي
24 رمضـــان أهو ابتـــدى و أنا لسه ببلوتى
قلت أحسن و أغيــَّـر و رجعت في كلمتي
للدرجادى ضايع و الشيطان واكل عقلي
ولا حييجــى يــــــوم و أفوق من غفوتي
يا غلبي
23
عطشان و قدامــــى ميــة بس أنـــــا صايم
رميت نفسي في سريــري و حلفت منا قايم
و حلمت انـــى شربــت ازازة ميــــة ساقعة
حسيت انى ارتويت و أنا في الأساس نايم!
يا غلبي
22
أعمى و حيــــغمى عليـــــــا و ملطشـــــــة معايــــــــــا
نفسي في ميـــــة بسكر و فــــي عرض كوبــــــــــــاية
ايديا لمست ثمــــــــرة ماعرفتـــــش هــــــي ايــــــــــه
و هو يعنى حتفـرق لو كانت دى تفاحة أو حتى مانجاية !
يا غلبي
21 يا رب ســـــــاعد عبدك و اهدينـــــي لطريـــقي
أنا عــــارف انى مذنب مش هدفــــــي تبريئـــى
اهدينــــي سكــــة نـور مفيـــش فيها غير نورك
و ابعد عنى الشيطان و كيد صاحبي و صديقي
يا غلبي
20أكتب وأقول بحبك يقول - ما شاء الله - عليك أسلوب لافت
أكتب و أقول الحقيقة ألاقى ناس هربـــــت و ناس خــــافت
يعنـــى الــــلـــى أنت شايــــــــفه دا أقــــل حاجــــــة عندي
و لو كتبــــــت بجد حكتــب اللى ما عين رأت ولا شــــــافت
يا غلبي
19ركــــِّــز و بص في عينيــا ساعتها تعرفني
ما تــخدش كلام عليـّا من قبل ما تشوفنى
و أديــك بعد ما شوفتنى غيـرت رأيك عنى
و كسبت صاحب جديــد و دا شئ يشرفني
يا غلبي
18 عصبى و ثـــورى و لازم أتريق ع اللى يخـــــاف
ما أنا بتجنن لما بلاقى اللى بيشحت رغيفين حاف
بفضل أنــــاضل و أنبـــــح حسى .. لكن فى الآخر
ايـــه بيفضلى غير كشكــــولى و قلمى الجــــاف !
يا غلبى
17راجـــــــــل عليه العيـــــــــن و بقلب زى الأســــــــــد
شاف أجمل عينين و قلــــــــب و عقل و جســـــــــــد
قالوله جرى ايه يا وحــــــــــش هو اللى زيـــــــك يقع
قال أصلكوا ما شـفتوش ملايكه و كفاية عشان الحسد
يا غلبي
16 رأيـــى و من حقــى أقولـــه فى بلـــــد ديمــوقراطيــة
و طبيعى جداً ألاقى مؤيد بشدة و ألاقى معارضة قوية
كلام و بقولـــــــه فى بلـــدى .. ولا أنت رأيــــك ايه !
يا خوفى الحكايـــــــة توصل للبـــوكس و المديريــــة
يا غلبى
15 فاتت عــلينا حلوة و قالت ما تيلا نخرج سوا
و بعينيها زغزعتنى و رشت بخرطوم الهوى
بالهوى أنا ارتــــــــــــويت و قلتلها بتحبينى
ردت و قالــــــت أيوة قلتلها جاتـــــك الأوا !
يا غلبي
14 أقول أسيب الكتابة و أركز في دراستي شوية
و أفتــــــــكر إن في حاجة اسمها تقدير كــلية
أرجــــــــع و ألاقى التقديــــــر أي كائن يجيبه
بـــــس الكــــــــــتابة هي اللي باقيــــــــة ليا
يا غلبي
13 أنـــــــــا جاى و أحســـــــــن من زمــان
رســــــــــالة منى لكل حــــد فأي مكـــان
لا حــــخاف و أكـش من أي واحـــد حاقد
دا أنا رسالتي فحياتي ازاى تكون إنسان
يا غلبي
12
بــــــــكتب عشــــــــرين قصيدة فى يوم واحــــــــد يا ناس
و تـــــــمر عليـــــا شهـــــور ولا أحــــط خـــــط رصـــاص
اســـــــتغربت و سألت جدي هي الموهبــة بتروح و تيجى
طبطب و قاللى الموهبة عربية غالية بس الوقود إحساس
يا غلبي
11
كـــــــــــــداب فوسط نــــاس بتصــــدقه
يكدب ينافق الناس تحبــــه و تعشـــــقه
هــــــــــــــو خلاص يا دنـــيا بقينا عُمى
ولا بتشوفوا الحقيقة و تخافوا لا تغرقوا
يا غلبي
10
بـجد حاسس بوحدة لو حتى فوسط ناس
بنــــــده محدش بيسمع بصرخ ولا بتغاث
هــــو أنا غلطان يا دنيا بقول حسوا بيا
يردوا و يقولولـــى عيبك ذكى و حساس
يا غلبي
9
بنت محترمة قبلت على نفســـها تكون بتاعــة فُلان
و تخلى الناس تحكى و تقول أنـــا شفته كان و كان
فيها ايه لو كانت احترمت نفسها و صانت كرامتها
مـــــش بالذمــة كانـــــــت قطعــــت كل لســـــــــان
يا غلبي
8
تــــعبان من الدنــيا و جبت آخرى خلاص
بقى معقول دول بشر بقى معقول دي ناس
مــا تفوقوا شويـــة و تصحــــوا يا اخونا
دا الفرق ما بين بشـــــر و جماد إحساس
يا غلبي
7 دخلت مطعم و نفسي يا إما فراخ بالكاري يا إما ديك بالصوص
ببص في المنيـــو قلت آه يا نــَـــوَر يا لصـــــــــــــــــــــــــوص
و لقــــــيت المتـــــــــر جــــــاى يسألــني تطلب ايه يا فنــــــدم
قـــــــــلتله أتنين طعمية ســـــــادة و تـــلاتة فول مخصـــــوص
يا غلبي
6
يا أصحابي و الله ما انتوا فاهمين حاجـة
كـــــــله عمال بيفتـــــى و يكأكأ كالدجاجة
مــــــش حقدر أقـــــول غبـاء منكـــــــــــم
بــــــــس أقــدر أقـــــــول .. ســـــذاجة !
يا غلبي
